Hər kəsə salam :) Bu mənim ilk blogum və ilk yazımdır. Bu vaxta qədər bir çox blog izləyirdim və hələ də izləyirəm.Nəhayət ki, öz blogum hazırdır .Bu blogda hələki müxtəlif cür şirniyyat reseptləri yer alacaq. Əgər gələcəkdə yemək reseptləri də istənilsə nəzərə alacam. Paylaşdığım reseptlərlə kiməsə bir xeyrim olacaqsa çox sevinərəm. Həyat paylaşmaqla gözəldir. Siz də bu reseptləri hazırlayıb yaxınlarınızla bölüşün. Birlikdə ləzzətin zirvəsinə çatın.Paylaşdıqca azalan şirniyyatınız artan xoşbəxtliyə yol açacaq…. Seçim sizindir :)

Paxlava

Ramaşın Mətbəxi

shutterstock_247660432-compressed

Salam, əziz xanımlar, Torpaq  çərşənbəsinə sayılı günlər qalmış sizlərlə Paxlava reseptini paylaşıram. Artıq evlərimizdən şəkərbura, paxlavanın qoxusu gəlməyə başlayıb. Şəffaf görünüşlü, ləzzəti damaqlardan getməyən Paxlava istəyirsinizsə diqqətiniz burda olsun.

View original post 378 daha çox kəlmə

Şəkərbura

Ramaşın Mətbəxi

Milli mətbəximizin ən dadlı təamlarından olan Novruz xonçalarının bəzəyi- Şəkərbura reseptini  sizlərlə paylaşıram.Bayram yaxınlaşdıqca bütün evlərdə hazırlıqlar da başlayır.Əziz, xanımlar, dadlı, yumşaq xəmirli, bişdikdə rəngi göyərməyən şəkərburalar istəyirsinizsə bu resept tam sizə görədir.Yazılanlara əməl etsəniz istədiyiniz nəticəni əldə edəcəksiniz. Nuş olsun !

View original post 216 daha çox kəlmə

Yeni ilə uyğun dekorativ fikirlər

Əziz bloq izləyiciləri , Yeni ilə sayılı günlər qalmış  dekorativ şirniyyatlar hazırlamaq üçün maraqlı fikirləri sizlərlə paylaşıram. Uşaqlarla birgə hazırlayıb onları bayramqabağı sevindirə bilərsiniz . İnanıram ki , yalnız uşaqlar yox hər kəs bəyənəcək .  Continue reading “Yeni ilə uyğun dekorativ fikirlər”

Ramazan Çörəyi

Salam , blog izləyicilərim . Ramazanın gəlişi ilə hər bir evdə iftar sevinci yaşanır. Mənim fikrimcə  süfrənin baş tacı çörəkdir . Ona görə qərar verdim ki, bu gün sizlərlə bu çörək reseptini paylaşım. Evdə öz əllərinizlə həm sərfəli , həm də dadlı çörək hazırlamaq istəyirsinizsə bu resepti qaçırmayın. İftar süfrənizin çörəyi sizin əlinizlə hazırlansın . Süfrələrinizdən ruzi- bərəkət əksik olmasın !

Ərzaqlar

Bir paket  quru maya (25 qr )

2 st ilıq  süd

yarım çay qaşığı şəkər tozu

yarım st ilıq  su

yarım st duru yağ 

1 xörək qaşığı duz

5 ,5 st   un su bardağı un (lazım olarsa artıq əlavə edin )

Xəmiri formaya salmaq üçün

1 yemek kaşığı un
5-6 yemek kaşığı su
(unu və suyu  qarışdırın  .Duru bir qarışıq alınmalıdır.)

Üzəri üçün 

1  yumurta sarısı
1 xörək qaşığı duru yağ
1 xörək qaşığı süd
1 çay qaşığı qatıq
ağ və qara çörəkotu

Hazırlanma qaydası

1.Dərin bir qaba maya, süd və şəkər tozunu əlavə edib 10 dəqiqə  gözlədirik (maya əriyənə qədər).

2.Sırayla digər  ərzaqlar da əlavə olunur. Xəmir yoğrulur və  40 dəqiqə mayalanması  üçün gözlədirik  (alınan xəmir ələ yapışmayan və yumşaq olmalıdır ).

3.Xəmir  2 və ya 3 hissəyə bölünür. Hər hissə un səpilərək yayılır və yağlanmış qaba yerləşdirilir. ( istədiyiniz formada)

4.Əlimizi unlu, sulu qarışığa vuraraq əvvəlcə kənarlarını sonra orta hissəsini  paxlava formasında içəri batırırıq.( Bunu edərkən hər dəfəsində əlimizi unlu sulu qarışığa batırırıq ki, çörəklər bişərkən üzərindəki formasını itirməsin.)

 5.Yayıb formaya saldığımız xəmiri  yarım saat mayalanması üçün gözlədirik və təkrar forma verdiyimiz hissələrin üzərindən  əlimizlə bir də keçirik . Çəngəllə deşiklər açırıq ki , hava qalmasın , yaxşı bişsin.

6.Yuxarıda  qeyd olunan ərzaqları qarışdırıb üzərinə çəkirik və bol çörəkotu səpirik.

7.Əvvəlcədən qızdırılmış 200 º C -də üzəri qızaranadək bişiririk.

 

collage11.jpg

ekmek

Hər kəsə nuş olsun !